ek yahi soz-e-nihan kul mera sarmaya hai dosto main kise ye soz-e-nihan nazr karun koi qatil sar-e-maqtal nazar aata hi nahin kis ko dil nazr karun aur kise jaan nazr karun tum bhi mahbub mire, tum bhi ho dildar mere aashna mujh se magar tum bhi nahin, tum bhi nahin khatm hai tum pe masiha-nafasi, chaaragari mahram-e-dard-e-jigar tum bhi nahin tum bhi nahin apni lash aap uthana koi aasan nahin dast-o-bazu mere nakara hue jate hain jin se har daur mein chamki hai tumhaari dahliz aaj sajde wahi aawara hue jate hain dard-e-manzil thi, magar aisi bhi kuchh dur na thi le ke phirti rahi raste hi mein wahshat mujh ko ek zakhm aisa na khaya ki bahaar aa jati dar tak le ke gaya shauq-e-shahadat mujh ko rah mein tut gae panw to malum hua juz mere aur mera rah-numa koi nahin ek ke baad khuda ek chala aata tha kah diya aql ne tang aa ke khuda koi nahin
This is a great islamic shahadat shayari. True lovers of muharram shayari 2017 will love this. Shayari is the most beautiful way to express yourself and this mir shayari is truly a work of art. Please share if you liked this!!!