mujh ko sone do sadiyon jaisi gahri lambi nind jis mein koi khwab na ho mujh ko sone do us ladki ki nind jo apni aankhen meri aankhon mein rakh kar bhul gai hai! mujh ko sone do un logon ki nind jin ki aankhon mein baadal aur parinde udte hain dariya bahte hain lekin wo pyase rahte hain mujh ko sone do chaaron samt bichhe sahrao! mere dil mein ek samundar hai mujh ko is mein apne sare khwab dubone do mujh ko rone do! mujh ko sone do!!