ek be-kaif sham ke bas mein
rengte sae unghti rahen

chand sahme hue chahchahe aur main
zindagi rang-o-bu se begana

sar-nigun dil-girafta aur udas
aah is ke qahqahe aur main

chahta hun guzar sakun ek bar
aarzuon ke chistanon se

hon jahan lakhon chahchahe aur main
har-nafas mein ho naghma-e-nahid

khak-e-pa ho meri bahaar-ba-dosh
ye saman jawedan rahe aur main

dil-e-nakaam ki tan-asani
khanda-zan hai mere iradon par

warna dariya-e-gham bahe aur main
jaane yunhi rahenge ab kab tak

rengte sae unghti rahen
chand sahme hue chahchahe aur main