chacha nehru ko pyare the
nanhe bachche aur gulab

pyare chacha nehru tum ko
bachche karte hain aadab

pyar bhari muskan tumhaari
yaad hamein jab aati hai

amrit jal ki barkha hoti
dil ki kali khil jati hai

is duniya ke nanhe bachche
karte hain sab tum ko pyar

pyare chacha nehru tum ne
chhod diya kyun ye sansar

tum ko bhaarat des tha pyara
hum bhi is se pyar karenge

tum ne ghairon ko apnaya
hum bhi sab se pyar karenge

jaisa tum karte the waisa
amn ka hum parchaar karenge