phindak phindak phindak phak
dhunak dhunak dhun dhunak dhunak

tant baji aur nikla rag
rui bani sabun ka jhag

kaisi chhanti jati hai
baadal banti jati hai

kitna dher hua aaha
main is dher pe kudunga

koi chot na aaegi
rui magar dab jaegi

itti rui itna dher
ho gai barah terah ser

le ab rui ho gai saf
bhar le takiye aur lihaf

in se sab sukh pate hain
odhte aur bichhate hain

milta hai sab ko aaram
wah re dhuniye tera kaam

wah ri dhunki dhunak dhunak
phindak phindak phak phak phak