dharm ke nam pe qatil ki himayat karna
aur phir mulk ke jalne ki shikayat karna

kitna aasan hai hindu-o-musalman hona
sirf mushkil hai kisi shakhs ka insan hona

zulm ki dhup-o-imkan bhi nahin chhanw ka
ek sa haal hai ab ganw ka sahraon ka

aise haalat mein aankhon mein lahu ko lao
naghma-e-ishq ko sab zor se gao gao

koi bhi dagh na nafrat ka jabin par aae
baadshah bahra hai ab zor se chikha jae