khudae bartar
azim khaliq

saba ko raftar dene wale
nafi ko isbaat dene wale

tu mere jazbon ko chandni de
shikasta harfon ko raushni de

kabida lamhon ko tazgi de
burida lafzon ko zindagi de

main sochta hun
shajar ki jis ka nahin ho saya

na jis se phal ka bhi aasra ho
khudae bartar

azim khaliq
tu mere zakhmon ki laj rakh le

qalam ke phulon ka taj rakh le
main chahta hun ai mere maula

mujhe tu le aur mere badle
tere jahan ko ek sachcha aadmi de

bas ye kami tu puri kar de