baghon ne pahna
phulon ka gahna

nahron ka bahna
warafta rahna

duniya mein jannat mera watan hai
bhuri ghataen

laen hawaen
baghon mein jaen

kaliyan khilaen
duniya mein jannat mera watan hai

ek jhonpadi hai
sab kuchh yahi hai

kya sadgi hai
kya zindagi hai

duniya mein jannat mera watan hai
'krishn' kanhaiya

radha ka rasiya
bachchon ke 'afsar'

tha is zamin ka
raushan sitara

duniya mein jannat mera watan hai
wo turk aae

bhaarat pe chhae
jhande udae

quran lae
duniya mein jannat mera watan hai

chishti ne bakhsha
dil ko sahaara

hamdard aisa
kis ko mila tha

duniya mein jannat mera watan hai
gautam ka ghar hai

jannat ka dar hai
'afsar' kidhar hai

kya be-khabar hai
duniya mein jannat mera watan hai