is tarah ki fahmaish
phir kabhi nahin hogi

jis tarah meri man ne
apne pyar ki chadar

mere sar pe phaila kar
apni god mein bhar kar

mujh se ye kaha beta
tum ne jhut bola hai

ab agar kabhi tum ne
jhut jo kaha mujh se

to main ruth jaungi
phir ye god ye chadar

dhundte rahoge tum
main ne us ke baad 'anwar'

jhut to nahin bola
phir wo pyar ki chadar

man ki god ki garmi
kyon bichhad gai mujh se