apne mazi ke tasawwur se hirasan hun main apne guzre hue ayyam se nafrat hai mujhe apni be-kar tamannaon pe sharminda hun apni be-sud umidon pe nadamat hai mujhe mere mazi ko andhere mein daba rahne do mera mazi meri zillat ke siwa kuchh bhi nahin meri ummidon ka hasil meri kawish ka sila ek be-nam aziyyat ke siwa kuchh bhi nahin kitni be-kar umidon ka sahaara le kar main ne aiwan sajae the kisi ki khatir kitni be-rabt tamannaon ke mubham khake apne khwabon mein basae the kisi ki khatir mujh se ab meri mohabbat ke fasane na kaho mujh ko kahne do ki main ne unhen chaha hi nahin aur wo mast nigahen jo mujhe bhul gain main ne un mast nigahon ko saraha hi nahin mujh ko kahne do ki main aaj bhi ji sakta hun ishq nakaam sahi zindagi nakaam nahin in ko apnane ki khwahish unhen pane ki talab shauq-e-bekar sahi sai-e-gham-e-anjam nahin wahi gesu wahi nazren wahi aariz wahi jism main jo chahun to mujhe aur bhi mil sakte hain wo kanwal jin ko kabhi un ke liye khilna tha un ki nazron se bahut dur bhi khil sakte hain
This is a great sai baba shayari in marathi. True lovers of khawab shayari sms will love this. For some people shayari is the most enjoyable thing in life and they absolutely adore bekar kismat shayari in hindi. Please share if you liked this!!!