mujhe witness box mein talab kiya ja chuka tha
maqtul ke wurasa

aur dusre logon ki nazren
mere chehre par jami hui thin

is liye ki main is muqaddame ka
tanha chashm-did gawah tha

meri gawahi qatil ko saza-e-maut
ya umr-qaid ki saza dila sakti thi lekin

is se pahle ki mere hont hilte
judge ne mujhe ghurte hue kaha

tum gawahi nahin de sakte
tumhaari shahadat ki ungli kati hui hai