wo jinhen mujh se mohabbat bhi hai hamdardi bhi hai
mere ilmi shauq ko kahte hain be-kar-o-fuzul

puchhte hain wo mujhe kyon in kitabon se hai ishq
ho na mali manfat ka jin ke padhne se husul

jaanta hun main bhi mali faeda in se nahin
phir bhi karta hun dil-o-jaan se kitabon ko pasand

sarfaraazi de nahin sakti wo daulat se magar
mujh ko kar deti hain khud apni nigahon mein buland