jiwan bhi jyamiti ki tarah
purak aur anupurak konon se hota hai sanchaalit

kuchh pakadte hain to chhut jata hai bahut kuchh
kuchh chhutta hai to mil jata hai kuchh

apne hisse ka man hi nahin milta
yahan pana hota hai apman bhi

jo khata hai kathal ka koa
use hi pachana hota hai bij aur musal bhi

kewal dewtaon ke hisse aae
wish ka pan karte hain shiw

manushyya ko khud hi pina hota hai
apne hisse ka wish