nanhe-munne masum bachcho aane wale kal ko sanwaro jo kuchh is duniya se paya tum ne us se achchha de kar jao nanhe-munne masum bachcho dhyan lagao likhne padhne mein padh likh kar achchhe sachche bachcho apne kal ko sanwaro aaj agar andhiyara hai is se mat ghabrana tum aane wale kal ke liye kuchh kaam naya kar jaana tum phul khilao daman ke har-su khushbu bikhero pyar ki har-su nanhe-munne masum bachcho aane wale kal ko sanwaro duniya har ek mod pe imtihan legi tum se duniya tum ko sab kuchh degi dhan daulat shohrat degi aur agar kamzor hue tum sab kuchh tum se chhin bhi legi kamzoron ke tum kaam bhi aana zalim se lekin dar mat jaana haq ke liye tum jina sikho haq ke liye tum mar bhi jaana aisa ek tum basta banao sab dharmon ki kitaben jis mein sajao ram ko samjho paighambar ko mano sab dharmon ko apna jaano ye dharti jo tum ne pai ye dharti hai amn ki dharti bapu ki aur nehru ki dharti krishn ki aur sufiyon ki dharti nanhe-munne masum bachchon is dharti ko swarg banao aaj yahan gar hai andhera kal jag mein ujyara hoga aane wala kal hai tumhaara aane wale kal ko sanwaro