main hun virane mein ek shajar tanha mujh pe chhaya rahta hai ek muhib sannata jaane kab tak in sannaton ka sath rahega dil mein jage hai bas yahi arman kash chidiya koi aae mujh pe baithe phudke gae khub chahchahae jod ke tinke bahon par meri khub manae rain basera janm de bhole-bhaale bachchon ko shakhon se phal tode khae khilae bachchon ko baithe phudke gae khub chahchahae kash chidiya koi aae