jism be-jaan hai patthar si bani hain aankhen
aur ek khauf ka malbus pahan kar koi

ghurta rahta hai
har-waqt khala mein shayad

aaina-khanon ki
maqhur-numa chahat mein

aks-dar-aks bikharti hui parchhaiyan hain
aur sannaton ki

gambhir sada hai har-su
shakh-dar-shakh khizan nauha-kunan hai har-su

aise mahaul mein jina bhi hai
khwab ke aakhiri hisse mein

husain-ibn-e-ali
ek paigham yahi de ke guzar jate hain