jazbon ko lafzon ka jama pahna kar un ki rawani ko kam mat karo nazuk hain ye aabgine hain ye shishe ki manind khanakte hain ye aankhon se dil mein utar jate hain dil se ragon mein sama jate hain rahen khud apni bana lete hain baaton ki un ko zarurat nahin din mah-o-sal aur sadiyan bhi gar guzar jaen phir bhi kuchh gham nahin khizan se na do chaar hon ye kabhi garmi-e-jazbaat baqi rahe rishton mein narmi qaem rahe