leader ko agar aap kabhi dhundhna chahen
wo pichhle pahar hujra-e-dilbar mein milega

aur subh ko wo banda-e-aghraaz-o-maqasid
sar kham kiye darbar-e-minister mein milega

aur din ko wo janta ko chara-gah ka bhainsa
charta hua permit kisi daftar mein milega

aur sham ko ahbab ke paison kei badaulat
hotel mein kahin ya kisi picture mein milega

aur raat ko hathon mein liye bhat kei thaali
biwi se jhagadta hua wo ghar mein milega