bahut se log hote hain
jinhen kahna jinhen sunna nahin aata

sadaen apne pahlu ko jhatak kar
kan mein aawaz bharti hain

sadaon ke katahre se kai baghi hamesha
bhag jate hain

main apne waqt ki baghi sada hun
aur mera nam uzma hai

mujhe 'naqwi' bhi kahte hain
mujhe harf-e-ziya par jugnuon se dad milti hai

mera adabi nasab-nama ziyai hai
magar duniya mujhe

ek aaftabi shahr kahti hai