main hun mister internet
kar lo apne ghar mein set

computer mein rahta hun
sab ko welcome kahta hun

jo kuchh deta hai college
mujh mein bhi hai wo knowledge

jo bhi chaho le lo kaam
hazir hun main subh-o-sham

hota hai jo ghanton mein
kar deta hun minton mein

bhaarat ho ya pakistan
america ho ya japan

gudiya aur banti ke nam
jab chaho bhejo paigham

chhapte hain jo sarhad par
mujh par padh lo wo akhbar

de kar inter ka exam
mujh se puchho tum anjam

student ho ya teacher
malik ho ya manager

sab mere diwane hain
mere hi parwane hain

mere bare mein sun kar
hairat mein hai jadugar