mohabbat bhik mein hargiz nahin milti
mohabbat dan bhi koi nahin karta

ki ye khairaat hoti hai
mohabbat to mohabbat hai

ye khushbu ki tarah ka koi sath hota hai
koi ehsas hota

kisi ke hath mein jaise kisi ka hath hota hai
mohabbat to faqat sanson mein basti hai

kahin dil ke nihan-khanon mein palti hai
mohabbat ka jo rasta hai bahut dushwar hota hai

bahut pur-khar hota
mohabbat pyas hai shayad

kabhi bhi jo nahin bujhti
mohabbat bhik mein hargiz nahin milti