suna suna hai ghar be-asar baam-o-dar yun na hogi basar mujh ko aawaz de ruh ghabrai hai tirgi chhai hai ai damakti sahar mujh ko aawaz de ashk bahne lage zakhm khulne lage ai mere chaaragar mujh ko aawaz de zindagi kuchh nahin raushni kuchh nahin bin tere ham-safar mujh ko aawaz de aarzu ke liye justuju ke liye har nae mod par mujh ko aawaz de hai mujhe ye khabar tu nahin be-khabar dil ba-zid hai magar mujh ko aawaz de koi kab tak jiye kab talak ke liye lamha-e-mukhtasar mujh ko aawaz de