wahan bhaw achchha mila tha koi chaar chhe length ki baat bhi to nahin thi bas aakhir mein gardan se gardan hi ka fasla rah gaya tha wo jockey ki jis par bharosa tha mujh ko usi ne kahin nahin aisa mumkin nahin hai to phir hasab aur nasab shajara-e-khandan sabhi dekh dala tha main ne wo rustam ka beta tha sohrab hi tha wo jis bench mein tha wahan koi us ka muqabil nahin tha wo chite ki manind udta tha aur wazan bhi pith par us ki itna nahin tha ki wo haar jata trainer bhi mahir tha us ka phir us ke wo sab karname idhar us ki photo nikalne ko thi aur udhar dil ki raftar koi chaar chhe length ki baat bhi to nahin thi wahan sirf gardan se gardan hi ka fasla rah gaya tha chalo man lete hain phir aaj apne sitare hi achchhe nahin the chalo auto rickshaw se chalte hain circle nahin yar ab itne paise kahan hain