anhoni bhi ho jati hai
honi yunhi hote hote rah jati hai

unche niche ho jate hain
dubne wale dariya par utar jate hain

aur tera ek samundar ke sahil par dub ke mar jate hain
kuchh aise hain jin ki har khwahish hasrat mein dhal jati hai

kuchh aise hain jo ek khwahish hasrat hi mein mar jate hain
kis ke nasib mein kya hai kaun kidhar jaega

kis ki qismat achchhi kaun bari paega
sachchi baaten karne wale kyun suli par chadh jate hain

jhute shahi kar jate hain
subh ke bhule sham ko ghar wapas nahin aate

sham ke bhule subh ko wapas aa jate hain
jhut aur sach ka khair aur shar ka

kuchh mear to rakkha hoga
jis ne duniya qaem ki hai

us ne kuchh to socha hoga