abhi to yun meri palkon pe jhilmilata hai bikhar na jae kahin tut kar ye daman mein yahi khayal mujhe bar bar aata hai bada sukun badi aafiyat hai palkon ko hayat in mein simat aai hai zamane ki khuda rakhe mere in durr-e-ab-daron ko mizha pe hai meri shabnam bhi aur sharara bhi ghamon ki bazm ka hai ek hasin guldasta ufuq ke par chamakta hua sitara bhi sitam sitam meri palkon pe wo bhi rah na saka bura ho tera are sail-e-girya-e-betab ki ek sitara-e-larzan faza mein dub gaya