(undulus ke maidan-e-jang mein)
ye ghazi ye tere pur-asrar bande

jinhen tu ne bakhsha hai zauq-e-khudai
do-nim un ki thokar se sahra o dariya

simat kar pahad un ki haibat se rai
do-alam se karti hai begana dil ko

ajab chiz hai lazzat-e-ashnai
shahadat hai matlub-o-maqsud-e-momin

na mal-e-ghanimat na kishwar-kushai
khayaban mein hai muntazir lala kab se

qaba chahiye us ko khun-e-arab se
kiya tu ne sahra-nashinon ko yakta

khabar mein nazar mein azan-e-sahar mein
talab jis ki sadiyon se thi zindagi ko

wo soz us ne paya unhin ke jigar mein
kushad-e-dar-e-dil samajhte hain us ko

halakat nahin maut un ki nazar mein
dil-e-mard-e-momin mein phir zinda kar de

wo bijli ki thi nara-e-la-tazar mein
azaem ko sinon mein bedar kar de

nigah-e-musalman ko talwar kar de