sach batao jo kitabon mein likha hai kya wo sab tum ne kaha hai jab aziyyat jism se risne lagegi jab dua ko uthne wale hath shal hone lagenge aur shal hote hue hathon ko kat dala jaega shanon se mere jab sana ki saut phunk dalegi labon ko aarzu mein aablon si aankhen neze phod denge aur gala banjar zamin sa kuchh na dega dast-e-sada mein kat dalega koi sar dhad se mera tum simat kar rang-o-bu mein khak-o-khun mein sur phunkoge kun kahoge kya tumhaara hi kaha hai jo kitabon mein likha hai sach batao