agar mere fasane mein masarrat ka koi pahlu nazar aae
samajh lena

tumhaare waste mein raat ke gunjaan jangal se
chamakte jugnuon ki qimti saughat laya hun

mere andar andhere ka samundar hai
ubharta dubta rahta hun main jis mein

tumhein malum hai mera amal ab khatm hai, aur raat baqi hai
abhi ek ghat baqi hai

mere aakash ki had mein abhi suraj nahin pahuncha
ghani tarikiyon mein chhatpatata hun

main apne jism ke diwar-o-dar se sar ko takraata hun
pal mein tut jata hun

na ghabrao ki phir se khud ko yakja kar raha hun main
nason mein apni phir taza lahu ko bhar raha hun main

tumhaare waste main raat ke gunjaan jangal se
chamakte jugnuon ki qimti saughat lata hun

zara thahro! mein aata hun