aap ka e'tibar kaun kare
roz ka intizar kaun kare

who can depend on what you say?
who will wait each every day? [...]

collage ke sab bachche chup hain kaghaz ki ek naw liye
chaaron taraf dariya ki surat phaili hui bekari hai

'aslam' bade waqar se degree wasul ki
aur is ke baad shahr mein khwancha laga liya

talash-e-rizq ka ye marhala ajab hai ki hum
gharon se dur bhi ghar ke liye base hue hain

apne sab yar kaam kar rahe hain
aur hum hain ki nam kar rahe hain
tegh-bazi ka shauq apni jagah
aap to qatl-e-am kar rahe hain
dad-o-tahsin ka ye shor hai kyun
hum to khud se kalam kar rahe hain
hum hain masruf-e-intizam magar
jaane kya intizam kar rahe hain
hai wo bechaargi ka haal ki hum
har kisi ko salam kar rahe hain
ek qattala chahiye hum ko
hum ye ealan-e-am kar rahe hain
kya bhala saghar-e-sifal ki hum
naf-pyale ko jam kar rahe hain
hum to aae the arz-e-matlab ko
aur wo ehtiram kar rahe hain
na uthe aah ka dhuan bhi ki wo
ku-e-dil mein khiram kar rahe hain
us ke honton pe rakh ke hont apne
baat hi hum tamam kar rahe hain
hum ajab hain ki us ke kuche mein
be-sabab dhum-dham kar rahe hain