ghar tha ya koi aur jagah jahan main ne raat guzari thi
yaad nahin ye hua bhi tha ya wahm hi ki ayyari thi

ek anar ka ped bagh mein aur ghata matwari thi
aas-pas kale parbat ki chup ki dahshat tari thi [...]

ye kaisa nashsha hai main kis ajab khumar mein hun
tu aa ke ja bhi chuka hai main intizar mein hun

ab kaun muntazir hai hamare liye wahan
sham aa gai hai laut ke ghar jaen hum to kya

tamam jism ko aankhen bana ke rah tako
tamam khel mohabbat mein intizar ka hai

kab wo aaenge ilahi mere mehman ho kar
kaun din kaun baras kaun mahina hoga

guzar rahe hain shab o roz tum nahin aatin
riyaz-e-zist hai aazurda-e-bahaar abhi

mere khayal ki duniya hai sogwar abhi
jo hasraten tere gham ki kafil hain pyari [...]