nikhar gae hain pasine mein bhig kar aariz
gulon ne aur bhi shabnam se tazgi pai

your cheeks with perspiration are all aglow anew
these flowers are now fresher laden with the dew [...]

jaane kis dam nikal aae tere rukhsar ki dhup
muddaton dhyan tere saya-e-dar par rakkha

jo un ko lipta ke gal chuma haya se aane laga pasina
hui hai boson ki garm bhatti khinche na kyunkar sharab-e-ariz

khade hain musa uthao parda dikhao tum aab-o-tab-e-ariz
hijab kyun hai ki khud tajalli bani hui hai hijab-e-ariz

na ruk sakegi ziya-e-ariz jo sadd-e-rah ho naqab-e-ariz
wo hogi be-parda rakh ke parda ghazab ki chanchal hai tab-e-ariz [...]

so dekh kar tere rukhsar o lab yaqin aaya
ki phul khilte hain gulzar ke alawa bhi

muddat se ek ladki ke rukhsar ki dhup nahin aai
is liye mere kamre mein itni thandak rahti hai