aana jaana hai to qamat se tum aao jao

aana jaana hai to qamat se tum aao jao
dar-e-izhaar-e-murawwat se tum aao jao

wo tahayyur jo tumhein le ke yahan aaya tha
us tahayyur ki wisatat se tum aao jao

hum kisi samt bagulon ko nahin rokte hain
garmi-e-zuaq shararat se tum aao jao

kaf udane pe bhi pabandi nahin hai koi
han magar thodi nafasat se tum aao jao

hamein ummid-e-balaghat to nahin hai tum se
bas zara thodi bulughat se tum aao jao

kis ne roka hai sar-e-rah-e-mohabbat tum ko
tumhein nafrat hai to nafrat se tum aao jao

tum ki tiflan-e-adab sath lagae hue ho
kisi manqul shariat se tum aao jao

hum ne ashaar ka darwaza khula rakkha hai
jab bhi ji chahe sahulat se tum aao jao


This is a great badan ki garmi shayari. True lovers of zindagi me aana shayari will love this. Please share if you liked this!!!
2020-06-02 03:02:59 PM

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close