kabhi masale rahe samne kabhi kashmakash rahi ru-ba-ru
kabhi khud ko khone ka shauq tha kabhi tujh ko pane ki aarzu

mere aansuon ke bahaw mein mera ghusl hota hai raat-din
main wuzu karun bhi to kya karun mera baal-baal hai ba-wazu

mere shauq mere junun ko kisi daere mein na qaid kar
wahi shash-jihat mein hai la-ilah mujhe samt-e-kaba na khinch tu

inhin chand taron ki ot mein koi husn-saz zarur hai
jo hai kaenat pe mehrban jo hai aasmanon ki aabru

ye niyaz-o-naz ye 'mehr' ab mere haal par ho kisi tarah
isi gham mein rahta hun dar-ba-dar isi dhun mein phirta hun ku-ba-ku