aag ho dil mein to aankhon mein dhanak paida ho
ruh mein raushni lahje mein chamak paida ho

ek shola meri aawaz mein lahraata hai
khun mein lahr khayalon mein lalak paida ho

qatl karne ka irada hai magar sochta hun
tu agar aae to hathon mein jhijak paida ho

is tarah apni hi sachchai par israr na kar
ye na ho aur teri baat mein shak paida ho

mujh se bahte hue aansu nahin likkhe jate
kash ek din mere lafzon mein lachak paida ho