aaj-kal ke shabab dekhe hain
sare khana-kharab dekhe hain

phul jaise husain chehre bhi
hae sahte azab dekhe hain

ishq ki rah mein wo lutte hue
hum ne lakhon janab dekhe hain

hai ye ulfat bhi kya bala sahab
is mein jhukte nawab dekhe hain

ek ek pal ko yaad rakhte the
wo tumhaare hisab dekhe hain

tum hata do ye apne chehre se
hum ne kafi naqab dekhe hain

pahle mohsin the phir bane zalim
log aise itab dekhe hain

jis pe mahtab tum rahe marte
ab wo hote sarab dekhe hain