aaj khat hum ne un ko likha aakhiri
lafz pahla wafa bewafa aakhiri

sab se chhup ke chhupa ke mujhe dekhna
yaad aati hai un ki ada aakhiri

ba'd tere nahin ab koi aarzu
tu hi pahla tu hi khwab tha aakhiri

zindagi ab guzar jaegi hijr mein
'ishq ki ye judai saza aakhiri

maut aae to sar teri bahon mein ho
sans ka ho yahi silsila aakhiri

zikr se teri katti rahi zindagi
nam tera zaban par raha aakhiri