aakar kisi ne khwab mein jalwa dikha diya musa ki tarah mujh ko bhi be-khud bana diya ek tir-e-naz chupke se dil par chala diya ya jaane kis ne khun-e-tamanna baha diya is tarah main ne ki hai ada rasm ishq ki mehman bana ke gham ko kaleja khila diya aadam ki ek fughan se larazne lagi zamin jab aah ki to arsh-e-mualla hila diya 'ahmad' use surahi-o-saghar se kya gharaz saqi ne jis ko apni nazar se pila diya