aalam aalam juda juda hai na
banda banda khuda khuda hai na

bhejta hai darud jin pe khuda
jin pe aalam fida fida hai na

aakhirash kaenat sab fani
allah allah sada sada hai na

sunnaten dost ki pasandida
un ki har har ada ada hai na

barha masiyat se kar tauba
bazu bazu lada lada hai na

maghfirat ke khule khule dar hain
rahmaton ki rida rida hai na

fazl-e-haq saya-e-nabi mange
'nur' dar ka gada gada hai na