aandhi chali thi shama bujhane tamam raat
jalte rahe the khwab suhane tamam raat

yun mere dard-e-dil ki dawa ban sake na tum
riste rahe hain zakhm purane tamam raat

toda tha jis ke dil ko sitaron ne be-sabab
aae the jugnu us ko manane tamam raat

jin ke liye thi dil ki wo mahfil saji hui
aae nahin wo rasm nibhane tamam raat

aai nahin na aankh lagi subh ho gai
karti rahi hai nind bahane tamam raat