ja raha chupke se suraj ka badan pani mein
kya bujhegi bhala din bhar ki jalan pani mein

sham aanchal ko pasare hue baithi hai abhi
wo utarega masafat ki thakan pani mein

rang lae meri mehnat bhale kuchh der se hi
dub jae na meri sachchi lagan pani mein

jaane kyon ruth gai pyas mere honton se
jab se mahsus hui ek chubhan pani mein

raat bhar tare ujala sabhi ko bantenge
subh hote hi bikherenge kiran pani mein