aankhen hain ashk dil hai dhuan ghar udas hai
tujh bin ai ghar ki ruh-e-rawan ghar udas hai

gul-ha-e-nau-bahaar hain aangan mein zard zard
pedon pe khil rahi hai khizan ghar udas hai

birha baras rahi hai fasurda munder se
chidiyan hain chhat pe nauha-kunan ghar udas hai

dil ko jhinjhodte hue sare aziz lafz
tahrir hain hawa mein jahan ghar udas hai

jo dasht-e-zist mein milen bichhde hue kabhi
kahna ki tum yahan ho wahan ghar udas hai