aankhen khuli khuli hain nazar le gaya koi diwar-o-dar to hain wahi ghar le gaya koi sari zamin ho gai be-ab-o-be-gyah wo chahchahe wo lutf-e-sahar le gaya koi manzar had-e-nigah talak lal lal hai har samt se green color le gaya koi ab ke samundaron ka safar be-maza raha tufan-e-khauf aur bhanwar le gaya koi ug aain raat-bhar mein falak-bos buildingen 'saifi' haweliyon ka khandar le gaya koi