aankhon ke charaghon mein ujale na rahenge aa jao ki phir dekhne wale na rahenge ja shauq se lekin palat aane ke liye ja hum der talak khud ko sambhaale na rahenge ai zauq-e-safar khair ho nazdik hai manzil sab kahte hain ab panw mein chhaale na rahenge jin nalon ki ho jaegi ta-dost rasai wo sanehe ban jaenge nale na rahenge main tauba to kar lun magar ek baat hai waiz kya aaj se gardish mein piyale na rahenge kyon zulmat-e-gham se ho 'khumar' itne pareshan baadal ye hamesha hi to kale na rahenge