aankhon mein chalta hua jism hai taswir nahin aise manzar ki kahin koi bhi tadbir nahin main nikalta nahin wahshat mein kabhi ghar se mere main samajhta hun sarae ise zanjir nahin kah to deti ho ki main pahli mohabbat hun teri tere kahne mein magar zarra bhi tasir nahin bas yahi soch ke sapnon ko sajaya na kabhi mere sapnon ki yahan koi bhi tabir nahin main agar chahun badal jaen ye haalat mere dast-e-taqdir ke qabu mein ye taqdir nahin