zamin mein rah ke bhi ta-hadd-e-asman dekhun mujhe to aa rahe ho tum nazar jahan dekhun chala gaya hai bujha kar diya wo palkon ka jahan thi raushni main us jagah dhuan dekhun lagi hai aag ghazab nafraton ki duniya mein dilon ke bich faqat aaj duriyan dekhun tumhein to meri wafa bewafai lagti hai main khubiyon mein bhi ab apni khamiyan dekhun ‘inayaten hain khuda ki kisi ne kya paya karam hai us ka nihan ko bhi main ayan dekhun