aankhon se apni 'asif' tu ehtiraaz karna
ye khu buri hai in ka ifsha-e-raaz karna

jate to ho piyare ukta ke mujh kane se
par waste khuda ke phir sarfaraaz karna

do-chaar din mein zalim howegi khat ki shiddat
ye husn aarzi hai is par na naz karna

phirte ho tum har ek ja hum bhi to aashna hain
yan bhi karam kabhi ai banda-nawaz karna

dil to bahut liye hain tum ne har ek ja se
is mere dil ka sahab kuchh imtiyaz karna