aap rukh par naqab rakhte hain abr mein mahtab rakhte hain tum ko sae mein dhup lagti hai sar pe hum aaftab rakhte hain shauq se kijiye jafa hum par hum kahan ab hisab rakhte hain talkh lahja hai aap ka phir bhi lab pe hum ji janab rakhte hain aap patthar uchhaaliye be-shak hath mein hum gulab rakhte hain shairi aap bhi kiya kije shauq to ye nawab rakhte hain chubhte ho jo 'anis' aankhon mein hum kahan aise khwab rakhte hain