'arzu' jaane bhi kaise koi rutba man ka
ru-e-jannat se hasin lagta hai talwa man ka

khud to bhuki hai khilati hai magar bachchon ko
main to qurban gaya dekh ke faqa man ka

bhul baitha wo jawan ho ke sabhi ehsanat
jo kabhi odh ke sota tha dupatta man ka

sari uljhan meri pal bhar mein sulajh jati hai
samne jab mere aa jata hai chehra man ka

din mein tare nazar aa jate hain un ko aksar
'arzu' jin ke saron par nahin saya man ka