jab sulagti hai shab-e-gham meri tanhai se risne lagta hai lahu chashm-e-tamannai se us ke is tarz-e-mohabbat pe hansi aati hai pyar bhi karta hai darta bhi hai ruswai se zalzala sa koi aata hai zamin-e-dil par ai meri jaan ke dushman teri angdai se zehn-o-dil mein kahin laila to nahin hai lekin qais waqif hai meri fitrat-e-sahrai se dil bhi mayus-e-mohabbat ki tarah tut gaya ab guzarna hai use rah-e-shikastai se kat gai hijr ki zanjir faqat ek pal mein mere mahbub teri chashm-e-karishmai se aisa lagta hai ki takra ke chali aati hai meri har ek sada arsh ki unchai se