aasan nahin hai sail-e-jawani ko rokna
mumkin kahan dhalan pe pani ko rokna

niklegi ungliyon ki dararon se raushni
mushkil hai mutthiyon mein nishani ko rokna

kaghaz pe bahne wali nadi par waqar hai
aasan nahin hai us ki rawani ko rokna

nakhun likhte rahte hain chehron pe roz-o-shab
kab tak likhega aisi kahani ko rokna

bas mein kahan kisi ke bhi bewa ki aankh se
ek ek qatra bahti kahani ko rokna